Saturday, August 13, 2011

Tum yaad aati ho

This one is rakhi special :) Dedicated to my Dearest akku .



Aaj rakhi ki subah,
   mujhe tum yaad aati ho.


Aaj Rakhi ki subah,
   mujhe apne sheesh pe tumhare ashish ki kami mehsus hoti hain . 


Aaj rakhi ke subah,
      mujhe har wo ashq yaad aata hain jise tumne apne muskurahat se mitaya.


Aaj rakhi ki subah, 
    mujhe har ek hasi yaad aati hain jisko tumne apne aasuo se sicha.


Aaj rakhi ki subah,
     mujhe tumse sikhi hui har woh hunar yaad aata hain jissee mujhe pehchan mili. 


Aaj rakhi ki subah, 
     mujhe woh natkhat harkate yaad aateen hain jisse humne apne bachpan ko sajaya.


Aaj rakhi ki subha, 
    mujhe tumhari daat yaad aati hain, jo kawach samaan meri humesha raksha karta tha.


Aaj rakhi ke subah,
    mujhe mera pura bachpan yaad aaata hai jo tumhare bina adhura hota.  




Aaj rakhi ki subah ,  
    mujhe tum yaad aati ho! tum jiski hasi se meri duniya jagmaga uthtee hain. 




Wednesday, August 3, 2011

Maine haar nahi maani






Nahi maine haar nahi maani ,
maana tujhe ek jhuka hua mastak dikh raha hai ,
lekin tujhe us jhuke hue mastak mein mera shaurya nahi dikh raha !


Nahi maine haar nahi maani,
maana tujhe mera behta hua lahu dikh raha hai ,
lekin tujhe us behte hue lahu mein mera tej nahi dikh raha !


Nahi maine haar nahi maani,
maana tera chehra harshit aur mera chinteet dikh raha hai ,
lekin tujhe iss chinteet chehre ke piche urjaa se bhari meri ruh nahi dikh rahee !


Nahi maine haar nahi maani,
maana tere hath mein talwar hai aur mein Nishastra hun,
lekin mere soch ke pankh ki shakti se agyat hai tu !


Nahi meine haar nahi maani,
maana tuh andhero ka shehanshah hai aur mein ek bhatakta hua raahi,
lekin apne sapno ke prakash se mein apna raasta khud bana sakta hu ,
is baat se anjaan hai tu !



Nahi maine haar nahi maani !