Mukti ki bheeksha

na pairon ko chalne ki azaadi hain,
na hathon mein karm ki shakti, 

to kyu bandhi bana rakha hain mujhe?
dede mukti ki bheeksha !

na aankhon ko parivar ka sukun hain,
na kaano ko bucho ki khilkhilahat ka tohfa,
to kyu bandhi bana rakha hain mujhe?
dede mukti ki bheeksha!

na peit ko khane ki izzazat hai,
na galen ko paani ki tripti,
to kyu bandhi bana rakha hain mujhe?
dede mukti ki bheeksha!

na aakhon mein sapne hain,

 na ruh ko shanti,

tan man dhan sub loot gaya !
to kyu bandhi bana rakha hain mujhe.. ?
Aur kya loot paoge ?.

Na tript hone ki abhilasha hain
na sapne saakar karne ki shakti?
bus ub dede mukti ki bheeksha
ub dede mukti ki bheeksha...!!